Spitali Rajonal i Elbasanit ngre sërish flamurin e profesionalizmit në arenën ndërkombëtare. Dy mjekët neurologë, Dr. Ermal Kurmaku dhe Dr. Eni Reka, po përfaqësojnë me dinjitet këtë institucion në World Congress on Controversies in Neurology (CONy 2026), që po zhvillohet në Krakow të Polonisë.
Pjesëmarrja e tyre aktive me punime shkencore në një nga kongreset më prestigjioze globale të neurologjisë është një tregues i qartë i nivelit të lartë profesional dhe përkushtimit që karakterizon shërbimin neurologjik në Elbasan. Ky sukses nuk është vetëm personal për dy mjekët, por edhe një arritje që reflekton zhvillimin dhe standardet në rritje të sistemit shëndetësor shqiptar.
Në një forum ku mblidhen ekspertë të njohur nga e gjithë bota për të diskutuar çështjet më të debatueshme dhe risitë në neurologji, kontributi i mjekëve shqiptarë merr një vlerë të veçantë dhe vendos Elbasanin në hartën e kërkimit shkencor ndërkombëtar.
Urime Dr. Kurmakut dhe Dr. Rekës për këtë arritje të rëndësishme dhe suksese të mëtejshme në rrugëtimin e tyre profesional .