Shoqata SOEK-IN ka përmbyllur me sukses projektin “Rin/on-rini aktive në zonat malore”, një nismë e fokusuar në fuqizimin e rinisë dhe zhvillimin e komuniteteve malore.
Projekti krijoi hapësira për pjesëmarrjen e të rinjve në vendimmarrjen lokale, promovimin e trashëgimisë kulturore dhe zhvillimin e turizmit lokal.
Arritjet kryesore
• Përfshirja e të rinjve në vendimmarrjen lokale dhe në dialogun me institucionet.
• Panairi i Yjeve, që bashkoi muzikën, kinemanë verore, ushqimin tradicional dhe vrojtimin e qiellit yjor.
• Vizita kulturore dhe shkëmbimi në Bashkinë Përmet, ku të rinjtë ndanë ide dhe mësuan praktika të reja komunitare.
• Vizita e grupit gjerman, me ndalesa në Bashki, kopshtin e fëmijëve, Pallatin e Kulturës dhe kantinën e verës, duke krijuar ura bashkëpunimi dhe shkëmbimi kulturor.
Ndikimi në komunitet
Projekti rriti pjesëmarrjen aktive të rinisë, promovoi trashëgiminë kulturore dhe kulinarinë lokale, dhe gjallëroi zonat malore si destinacione turistike të qëndrueshme.
Falenderime
Shoqata SOEK-IN falënderon të gjithë partnerët, institucionet dhe vullnetarët që kontribuuan në këtë projekt, duke treguar se rinia është një faktor kyç për zhvillimin dhe gjallërimin e komuniteteve malore.
