Qarku i Elbasanit është përfshirë nga reshje shiu me intensitet të ulët dhe mesatar, të cilat gjatë natës arritën deri në 24 mm. Si pasojë, janë shënuar rënie gurësh, inertesh dhe aluvionesh në disa akse rrugore:
- Elbasan–Qafë Thanë (rënie gurësh dhe pemësh në dy raste);
- Elbasan–Peqin (dalje aluvionesh);
- Elbasan–Gjinar, në Derstile;
- Gramsh–Moglicë, në Bersnik.
Firmat kontraktuese ndërhynë menjëherë dhe të gjitha rrugët janë të hapura për qarkullim.
Në qytetin e Elbasanit pati prani të madhe uji, por pa shkaktuar probleme.
Reshjet kanë sjellë edhe ndërprerje të energjisë elektrike në disa zona malore të bashkive Librazhd, Prrenjas, Gramsh dhe Elbasan. Ekipet e OSHEE po punojnë në terren për riparimin e defekteve dhe rikthimin e furnizimit.
