‘Porti i Durrësit është afera më e madhe korruptive’/ Berisha: Rama e refuzoi projektin e marinës, sepse kërkoi ryshfet 10 milionë euro

• Kryetari i Partisë Demokratike Sali Berisha deklaroi se porti i Durrësit përbën pasurinë publike më të madhe të vendit, me një vlerë që arrin deri në 4 miliardë euro. • Berisha akuzoi qeverinë socialiste dhe kryeministrin Rama se synon përvetësimin e kësaj pasurie përmes një projekti që deformon funksionin strategjik të portit dhe i shërben interesave private. • Sipas Berishës, projekti fillestar për ndërtimin e një marine në Durrës u anulua për shkak të kërkesave për ryshfet, ndërsa më pas qeveria orientoi ndërhyrjen drejt transformimit të të gjithë portit ekzistues. • Ai theksoi se zhvendosja e aktivitetit portual në Porto Romano dhe ndërtimi i një porti të ri me kapacitete më të vogla përbën një vendim që dëmton rëndë ekonominë dhe rolin strategjik të Shqipërisë në rajon. • Kryetari i PD, Sali Berisha theksoi se Porti i Durrësit është konsideruar nga strukturat europiane si një nyje kyçe për transportin dhe logjistikën, si dhe një pikë me rëndësi strategjike në kuadër të NATO. • Në vijim të fjalës së tij, kryetari i PD akuzoi qeverinë për ndryshim të qëndrimit lidhur me financimin e projektit, duke nënvizuar se fillimisht ishte paraqitur si investim privat, ndërsa tashmë kostoja do të përballohet nga taksapaguesit shqiptarë. • Lideri i PD ngriti gjithashtu shqetësime për procedurat e tenderimit, duke pretenduar për përjashtim të kompanive të huaja dhe tentativa për favorizim të operatorëve të caktuar. • Në përfundim, Berisha e lidhi këtë çështje me procesin e integrimit europian të vendit, duke deklaruar se praktikat korruptive po dëmtojnë seriozisht rrugën e Shqipërisë drejt Bashkimit Europian