Një aksident rrugor është regjistruar pasditen e sotme në aksin kombëtar Peqin–Elbasan, duke shkaktuar shqetësim për drejtuesit e mjeteve që qarkullonin në këtë segment.
Ngjarja ka ndodhur në fshatin Bishqem, në bashkinë e Peqin, ku tre automjete janë përplasur në seri me njëra-tjetrën. Sipas informacioneve paraprake, bëhet fjalë për një përplasje zinxhir, e cila dyshohet të ketë ardhur si pasojë e mosrespektimit të distancës së sigurisë.
Fatmirësisht, nga aksidenti nuk raportohet për persona të lënduar me pasoja serioze. Megjithatë, të tre mjetet kanë pësuar dëme materiale të konsiderueshme.
Si pasojë e përplasjes, në segmentin rrugor u krijua për disa minuta ngadalësim i qarkullimit, ndërsa në vendngjarje mbërritën shërbimet e policisë për të kryer veprimet procedurale dhe për të normalizuar trafikun.