Kushtet atmosferike në Shqipëri janë përmirësuar ndjeshëm, duke sjellë kthjellime në pjesën më të madhe të vendit deri në mesditë, veçanërisht përgjatë Ultësirës Perëndimore. Pasditja do të shoqërohet me vranësira të lehta në zonat malore, por pa reshje shiu, ndërsa bregdeti pritet të mbetet me mot të kthjellët deri në mbrëmje.
Temperaturat shënojnë ulje të lehtë në mëngjes, por rritje në mesditë, duke u luhatur nga 12°C në verilindje deri në 32°C në zonat më të nxehta të vendit. Era do të fryjë mesatare me shpejtësi deri në 35 km/h nga veriperëndimi, duke krijuar dallgëzim mbi 2 ballë në brigjet detare.