Reshjet e dendura të shiut kanë shkaktuar përmbytje dhe probleme të shumta në qytetin e Durrësit.
Uji ka mbuluar disa rrugë, duke arritur disa centimetra në disa zona, dhe ka vështirësuar qarkullimin e mjeteve. Situata më kritike paraqitet në lagjen nr. 17, pranë stadiumit, si dhe në zonën e Shkozetit, të cilat historikisht përmbyten pas reshjeve intensive.
Autoritetet po monitorojnë situatën dhe këshillojnë qytetarët të shmangin kalimin në zonat më të rrezikuara.