Ish-ambasadorja e SHBA në Shqipëri, Yuri Kim, është larguar zyrtarisht nga shërbimi diplomatik pas më shumë se dy dekadash karriere. Në ceremoninë e zhvilluar në SHBA morën pjesë familjarë, miq dhe kolegë të saj ndër vite, mes tyre ish-ambasadori Aleksander Arvizu, ambasadori shqiptar në Uashington Ervin Bushati dhe gazetarja Ilva Tare.
Kim shërbeu në Shqipëri gjatë viteve 2019-2023, një periudhë ku u dallua për mbështetjen e reformave demokratike dhe forcimin e sundimit të ligjit. Karriera e saj përfshiu poste në Kore, Japoni, Kinë, Irak, Turqi dhe Shqipëri.
Me stilin e saj të drejtpërdrejtë dhe angazhimin ndaj vlerave demokratike, Yuri Kim mbetet një nga figurat më të zëshme të diplomacisë amerikane në Shqipëri, duke lënë pas një trashëgimi bashkëpunimi dhe respekti.
