Interi është rikthyer te fitorja pas humbjeve në derbin ndaj Milanit dhe disfatës në Champions League kundër Atletico Madrid. Zikaltrit mposhtën 0-2 Pizën në transfertë, në një sfidë ku pavarësisht dominimit, u desh kohë dhe durim për të zhbllokuar rezultatin.
Lautaro Martínez vendosi fatet e takimit duke shënuar dy herë në pjesën e dytë, në momentet kur Interi po ndihej i rrezikuar nga disa kundërsulme të Pizës që i shkaktuan jo pak bezdi mbrojtjes zikaltër. Kapiteni mori përsipër gjithçka dhe me dy finalizime tipike të tij i dha Interit qetësinë që kërkonte.
Pas 13 javësh, Interi numëron vetëm 1 pikë më pak se Milani dhe mbetet plotësisht në garë për kreun e Serie A.