Fëmijët e Shkodrës do të kenë së shpejti një hapësirë të re argëtimi me ndërtimin e Parkut Rekreativ “Dua të luaj” në Bërdicë.
Pas vendimit të Këshillit të Ministrave për t’ia kaluar në pronësi Bashkisë Shkodër territorin e ish-repartit ushtarak, ka nisur procesi i shndërrimit të zonës, e cila për 30 vite ishte kthyer në parkim makinash të braktisura dhe hekurishte.
Kryeministri Edi Rama theksoi se Shkodra po fiton një hapësirë të re jete, ndërsa investimi realizohet me bashkëpunimin e Bashkisë Shkodër, Agjencisë së Administrimit të Pasurive të Sekuestruara dhe Fondit Shqiptar të Zhvillimit.
Parku, me një sipërfaqe prej tre hektarësh, do të ofrojë kënde lojërash dhe hapësira rekreative për fëmijë, prindër dhe komunitetin.
