“Opozita sot fryn gjoksin me sebepin e një letre anonime”, Rama për shkarkimin e Veliajt: Një kryetar i lidhur këmbë e duar, duhet të ecim para për kryeqytetin

Pas miratimit dje nga Këshilli Bashkiak për shkarkimin e Erion Veliajt, Rama ka mbajtur sot mbledhje në selinë rozë, kur tha se tashmë duhet t’i hapet rruga dhe të vijojë puna për kryeqytetin.“Pa një kryetar bashkie të votuar në krye të detyrës, u detyruam të marrim një hap të padetyrueshëm në raport me Erion Veliajn, por të detyrueshëm në lidhje me fatin e kryeqytetit të Shqipërisë, të detyrueshëm në raport me fatin e kryeqyteti.
Këshilli miratoi dje shkarkimin e kryetarit në mungesë prej 7 muajsh për t’i hapur rrugë zgjedhjeve të reja. Janë thënë dhe janë llomotitur shumë gjëra lidhur me këtë hap, por nuk ia vlen të merremi as me ata që u ka rënë diella në kokë, as me ata që e quajnë diktaturë kur shumica parlamentare detyrohet të kalojë në votim program pasi ndalohet ta paraqesë me metodat famëkëqija të rrylave të fytit dhe bërrylave, dhe as me ata që tre herë resht nuk e mundën dot Erionin me karikaturat e tyre mediatike, që sot fryjnë gjokset me sebepin e një letre anonime të një kryetari të lidhur duar e këmbë”, tha Rama.