Bayerni i Mynihut të shtunën mori një fitore shumë të rëndësishme teksa mundi Borussia Dortmund në ‘Der Klassiker’. Por jo vetëm kaq, kjo ndeshje ishte edhe e Manuel Neuer, që u bë portieri me më shumë fitore në Bundesligë, plot 363 të tilla
Edhe pse nuk mundi ta mbajë të paprekur portën e tij ndaj verdhezinjve, Neuer tregoi edhe njëherë se vazhdon të jetë në lartësine e më të mirëve në botë dhe me këtë fitore ai theu edhe rekordin historik të Thomas Müller. Manuer Neuer i bëri hapat e parë si portier profesionist te Schalke, ku edhe ishte formuar.
Pas 203 ndeshjeve me Schalken, ku në 80 prej tyre e mbajti të paprekur portën, Neuer tërhoqi vëmendjen e shume klubeve, por ishte Bayerni i Mynihut ai që siguroi shërbimin e tij dhe më pas historia dihet. Sezonet 2014-15 dhe 2015-16, ishin ato ku Neuer pati më shumë ndeshje me portë të paprekur sesa ndeshje ku kishte pësuar gol. Këtu nuk duhet të harrojmë trofetë e shumta të fituara duke përfshirë 2 Champions League e 12 tituj të Bundesligës, si dhe Botërorin 2014 me përfaqësuesen gjermane.
