20-vjeçari Justin Hounkpe po shndërrohet në një nga historitë më interesante të futbollit shqiptar në nivelet inferiore. Sulmues krahu dhe mesfushor i avancuar, ai aktualisht aktivizohet me Tirbinën e Cërrikut në Kategorinë e Tretë, por paraqitjet e tij ka tërhequr vëmendjen e specialistëve.
Falë performancave të mira në kampionatin shqiptar, Hounkpe ka marrë së fundmi një ftesë nga përfaqësuesja e Benin U-20, duke shënuar një hap të rëndësishëm në karrierën e tij. Ky është një moment i veçantë për 20-vjeçarin, i cili e sheh futbollin shqiptar si një trampolinë për të depërtuar në skenën europiane.
Rasti i Hounkpe tregon se talenti mund të spikasë edhe në kategori më të ulëta, ku shpeshherë fshihen lojtarë me potencial të madh. Edhe pse nuk luan në elitë, ai ka arritur të bindë me cilësitë e tij dhe të fitojë besimin e kombëtares së vendit të tij.
Historia e tij është një tjetër dëshmi se futbolli shqiptar, pavarësisht sfidave, mbetet një terren ku talentet mund të zhvillohen dhe të hapin dyert drejt mundësive më të mëdha.