Departamenti i Komunikimit në FSHF njofton se ka ndryshuar programi i ndeshjes së javës së 9-të të “Abissnet Superiore” mes Tiranës dhe AF Elbasanit.
Ndeshja, që ishte planifikuar të zhvillohej të mërkurën, më 29 tetor, në orën 19:30 në stadiumin “Air Albania”, do të zhvillohet në të njëjtën ditë, por në orën 14:00, në stadiumin “Selman Stërmasi”.
FSHF fton tifozët të marrin parasysh këtë ndryshim dhe t’i përshtatin planet përkatëse për të ndjekur sfidën.
