Kuvendi i Shqipërisë ka miratuar këtë pasdite me 77 vota pro dhe 1 kundër drejtuesit e komisioneve parlamentare. Kryetari i Kuvendit, Niko Peleshi, lexoi emrat e propozuar nga mazhoranca, të cilët u aprovuan me shumicë votash.
Deputeti Redi Muçi ishte i vetmi që votoi kundër, ndërsa deputetët e Partisë së Lirisë, megjithëse të pranishëm në sallë, nuk morën pjesë në votim. Opozita e bashkuar vendosi të bojkotojë seancën.
Emrat e miratuar në krye të komisioneve:
- Ekonomi, Punësim dhe Financa – Milva Ekonomi (kryetare), Erion Braçe (nënkryetar), Zamira Sinaj (sekretare).
- Çështjet Ligjore dhe Administrata Publike – Ulsi Manja (kryetar), Damian Gjiknuri (nënkryetar), Aurora Mara (sekretare).
- Çështjet e Brendshme dhe Mbrojtja – Bledar Çuçi (kryetar), Olta Xhaçka (nënkryetare), Ilirian Pendavinji (sekretare).
- Edukimi, Shkenca dhe Sportet – i takon opozitës (nënkryetare Evis Kushi, sekretare Hatixhe Konomi).
- Shëndetësia dhe Mirëqenia Sociale – kryetar i opozitës (nënkryetar Eduard Shalsi, sekretare Enriketa Jaho).
- Burimet Natyrore, Infrastruktura dhe Zhvillimi i Qëndrueshëm – Anila Denaj (kryetare), Ceno Klosi (nënkryetar), Ilva Gjuzi (sekretare).
- Të Drejtat e Njeriut dhe Mjetet e Informimit Publik – kryetar i opozitës (nënkryetare Iris Luarasi, sekretar Ardit Bido).
- Bujqësia, Ushqimi dhe Zhvillimi Rural – Blendi Klosi (kryetar), Fadil Nasufi (nënkryetar), Saimir Hasalli (sekretar).
- Kultura, Turizmi dhe Diaspora – kryetar i opozitës (nënkryetar Erion Malaj, sekretar Arkent Balla).
- Europa dhe Punët e Jashtme – Igli Hasani (kryetar), Bora Muzhaqi (nënkryetare), Marjana Koçeku (sekretare).
- Nismat Qytetare, Bashkëpunimi dhe Mbikëqyrja Institucionale – Fatmir Xhafa (kryetar), Ermal Elezi (nënkryetar), Aulona Bylykbashi (sekretare).
