Të paktën dy persona u vranë dhe tetë të tjerë u plagosën rëndë pasi një person i armatosur hapi zjarr gjatë provimeve sot në Universitetin Brown në Providence, Rhode Island, sipas autoriteteve.
Autoritetet thonë se ende janë në kërkim të autorit të sulmit, i cili u përshkrua si një mashkull i veshur me të zeza, por në këtë fazë ka pak detaje për të dyshuarin.
Të shtënat ndodhën në një ndërtesë të inxhinierisë dhe fizikës, ku ishin planifikuar disa provime këtë pasdite, sipas universitetit. Një student i tha filiales së CNN-it, WJAR, se ishte fshehur nën bankën e tij për dy orë duke pritur që policia të pastronte ndërtesën.
Presidenti Donald Trump tha se është informuar për të shtënat. Agjencitë federale të zbatimit të ligjit, përfshirë FBI-në dhe ATF-në, po ndihmojnë autoritetet lokale.
Brown është një universitet privat kërkimor i Ivy League dhe një nga institucionet më të vjetra të arsimit të lartë në vend.