Lamine Jamal është shpërblyer me çmimin prestigjioz “Di Stéfano” nga drejtori i MARCA-s, duke u vlerësuar si lojtari më i mirë i sezonit. Talentit të Barcelonës iu desh të konkurrojë me emra të mëdhenj të futbollit botëror si Mbappé dhe Vinicius, si edhe me shokët e tij të skuadrës Pedri dhe Raphinha, por 18-vjeçari i jashtëzakonshëm i katalanasve arriti të dalë triumfues.
Pavarësisht moshës ende shumë të re, Lamine po ndërton një koleksion mbresëlënës trofesh individualë, duke konfirmuar statusin e tij si një nga talentet më të mëdhenj të futbollit aktual.
Reagimi i Lamine Jamal pas marrjes së çmimit
“Të gjitha titujt individualë tregojnë se ka qenë një sezon i shkëlqyer për ekipin. Për mua është një burim lumturie dhe krenarie. Grumbullimi i çmimeve në moshën time është shumë pozitiv. Do të vazhdoj të punoj dhe të luftoj për të arritur gjëra të tilla”, u shpreh Lamine Jamal për MARCA-n pas marrjes së çmimit.
Rikthimi në “Camp Nou”, një emocion i veçantë
Lojtari i ri i Barcelonës shprehu edhe entuziazmin e tij për rikthimin në stadiumin legjendar “Camp Nou”, të cilin e krahasoi me një “nënshkrim të ri” për klubin.
“Tifozët janë të mëdhenj. Ne luajtëm në një stadium që nuk ishte i yni. Montjuïc ishte mirë, por nuk ishte ajo që donim. Camp Nou do të jetë një mbështetje e madhe për të gjithë dhe do të jetë një ndihmë e madhe për pjesën tjetër të sezonit”, tha ai.