Gjykata Kushtetuese ka vendosur të pezullojë dekretin e Presidentit Bajram Begaj për zhvillimin e zgjedhjeve të parakohshme në Tiranë më 9 nëntor, pas ankesës së paraqitur nga ish-kryebashkiaku Erion Veliaj.
Në kërkesën e tij, Veliaj argumentonte se dekreti ishte antikushtetues, duke theksuar se mandati i kryetarit të bashkisë nuk është personal, por “përfaqëson sovranitetin e qytetarëve të Tiranës”.
Vendimi i Gjykatës Kushtetuese pezullon përkohësisht procesin elektoral, derisa të shqyrtohet në themel kushtetutshmëria e dekretit presidencial. Kjo çështje ka ngjallur debat politik dhe juridik, duke shtuar interesin publik për mënyrën se si do të interpretohen kompetencat e Presidentit në raport me institucionet vendore.
