Ëndrra shqiptare për në Botëror është shuar në Prishtinë, me Kosovën që është mposhtur 0-1 nga Turqia në finalen e play off-it të Botërorit.
Sfida e luajtur në “Fadil Vokrri” dhe e transmetuar drejtpërsëdrejti në Top Channel dhe DigitAlb dhuroi emocione, spektakël, por në fund, nuk ishin shqiptarët ata që gëzuan.
Turqit ishin ata që u shfaqën më kërkues, por pas 20 minutash, “dardanët” u zgjuan.
Në minutën e 29’ Asllani provoi me një predhë nga distanca, me topin që u devijua nga portieri Çakir.
Goli i vetëm i takimit erdhi në minutën e 53’, kur Akturkoglu ishte në kohën dhe vendin e duhur për ta shtyrë topin drejt rrjetës.
“Dardanët” provuan sërish të gjenin golin e barazimit, por pa arritur të depërtonin mbrojtjen turke.
Kështu Kosova largohet me kokën lart nga këto play off-e, me pengun e një Botërori që ishte më afër se kurrë.
Rezultati:
Kosovë 0-1 Turqi
Akturkoglu 53′
Komenti Live:
90+6′ Mbyllet sfida me rezultatin 0-1!
90′ Akordohen 6 minuta shtesë.
86′ Asllani godet në hyrje të zonës, por topi ndalet nga Çakir.
81′ Muslija provon me një gjuajtje nga distanca, por topi shkon jashtë kuadratit.
71′ Zëvendësim te Kosova. Largohet Vojvoda dhe në vendin e tij futet Zhegrova.
64′ Calhanoglu shkakton një ndërhyrje të gabuar ndaj Gallapenit dhe ndëshkohet me karton të verdhë.
53′ Gol Turqia 0-1/ Kokçu godet brenda zonës, ndërsa Akturkoglu e shtyn drejt rrjetës. (Video)
46′ Nis pjesa e dytë!
45+3′ Mbyllet pjesa e parë!
45+1′ Hajdari dhe Akturkoglu ndëshkohen me të verdhë pas një përplasje të ashpër me njëri-tjetrin.
45′ Akordohen 2 minuta shtesë.
29′ Asllani provon me një gjuajtje mjaft të bukur nga distanca, por portieri Çakir arrin ta ndalë. Topi rikthehet te Muriqi, i cili nuk gjen dot portën.
27′ Kokçu provon me një gjuajtje nga distanca, me topin që shkon pranë portës.
24′ Asllani lëviz bukur në zonë dhe pason për Muriqin, por topi kontrollohet nga Çakir.
21′ Asllani hedh një top të bukur në zonë për Hoxhën, goditja e të cilit ndalet nga mbrojtja.
16′ Vojvoda hedh një krosim drejt zonës, por topi ndalet nga portieri Çakir.
10′ Yildiz godet brenda zonës, por topi devijohet nga Dellova dhe shkon në këndore.
1′ Shkelmohet topi i parë në “Fadil Vokrri”!
Formacionet Zyrtare:
