Kina ka njoftuar pezullimin e ndalimit të eksporteve të galiumit, antimonit dhe germaniumit drejt Shteteve të Bashkuara, metale të rralla me rëndësi strategjike, duke dhënë një sinjal të ri për zbutjen e tensioneve tregtare mes dy vendeve.
Sipas Ministrisë Kineze të Tregtisë, kufizimet e mëparshme për eksportin e këtyre metaleve, të cilat janë thelbësore për prodhimin e gjysmëpërçuesve dhe teknologjive të avancuara, janë pezulluar deri më 27 nëntor 2026.
Këto materiale kanë përdorime të gjera, si në sektorin civil, ashtu edhe në atë ushtarak në SHBA, duke përfshirë pajisjet elektronike, sistemet satelitore dhe teknologjinë e mbrojtjes.
Vendimi vjen pasi presidenti kinez Xi Jinping dhe ish-presidenti amerikan Donald Trump kishin rënë dakord më herët për uljen e tarifave dhe pezullimin e masave tjera tensionuese tregtare për një periudhë njëvjeçare, në kuadër të përpjekjeve për stabilizimin e marrëdhënieve ekonomike.
