Ushtria izraelite ka konfirmuar se ka kryer një sulm ajror ndaj kampit palestinez të refugjatëve Ain al-Hilweh, pranë qytetit bregdetar libanez Sidon. Në njoftimin zyrtar, Izraeli deklaroi se objektivi ishte një qendër stërvitore e Hamasit.
Ky është një nga rastet e rralla të sulmeve izraelite kundër Hamasit në territorin libanez. Më herët këtë vit, në korrik, një komandant i lartë i Hamasit u vra në Tripoli, ndërsa në maj një tjetër komandant i grupit u eliminua në Sidon.
Izraeli ka intensifikuar sulmet në jug të Libanit dhe në zona të tjera, duke argumentuar se synon të godasë pozicionet e Hezbollahut, pavarësisht armëpushimit të arritur vitin e kaluar.
Të martën, një punëtor komunal libanez u vra nga një tjetër sulm në jug të vendit. Sipas Al-Manar, një dron izraelit goditi një automjet tip Rapid në qytetin Bint Jbeil. Ministria e Shëndetësisë e Libanit konfirmoi se një person humbi jetën në këtë sulm.
