Më 7 shtator, qielli do të ofrojë një fenomen të rrallë astronomik: eklipset total të Hënës, i njohur si “Hëna e Përgjakur”.
Nga Tirana, fenomeni do të arrijë kulmin rreth orës 20:10 dhe do të zgjasë deri në 23:00.
Pse ndodh ky fenomen?
Eklipsi total i Hënës ndodh kur Toka vendoset mes Diellit dhe Hënës, duke e zhytur atë në hijen e saj.
Pse duket e kuqe Hëna?
Kur rrezet e Diellit kalojnë nëpër atmosferën e Tokës, drita blu shpërndahet, ndërsa ajo e kuqe kalon më lehtë dhe reflektohet në sipërfaqen e Hënës. Për këtë arsye, gjatë një eklipsi total, Hëna merr ngjyrë të kuqe, portokalli apo kafe, duke i dhënë edhe emrin e njohur “Hëna e Përgjakur”.
Ky është një fenomen astronomik spektakolar, i cili do të jetë i dukshëm për të gjithë ata që do të kenë mundësi të shikojnë qiellin këtë mbrëmje.