Groenlanda, ishulli më i madh në botë, vijon të mbetet një nga territoret më strategjike dhe më të veçanta të planetit, si për shkak të pozicionit të tij gjeografik, ashtu edhe për rëndësinë që ka në studimet mbi ndryshimet klimatike.
Me një sipërfaqe mbi 2.1 milionë kilometra katrorë, rreth 80 për qind e territorit të Groenland është i mbuluar nga akulli. Popullsia prej rreth 56 mijë banorësh jeton kryesisht përgjatë bregdetit, ku kushtet e jetesës janë më të favorshme. Kryeqyteti Nuuk është qendra politike dhe ekonomike e vendit.
Groenland ka klimë arktike, me dimra të gjatë dhe temperatura ekstreme që në disa zona zbresin deri në -50 gradë Celsius. Fenomene si dielli i mesnatës në verë dhe nata polare në dimër janë karakteristike për këtë territor.
Ekonomia e vendit mbështetet kryesisht në peshkim, i cili përbën shumicën e eksporteve, ndërsa turizmi dhe sektori i burimeve natyrore po shënojnë rritje të ndjeshme. Groenland është territor autonom brenda Mbretërisë së Danimarkës, me parlament dhe qeveri të vetën, ndërsa çështjet e mbrojtjes dhe politikës së jashtme menaxhohen nga Kopenhaga.
Së fundmi, Groenland ka qenë në fokus të vëmendjes ndërkombëtare për shkak të shkrirjes së akullnajave, një proces që ndikon drejtpërdrejt në rritjen e nivelit të deteve dhe përbën një nga treguesit kryesorë të ndryshimeve klimatike globale.
Ekspertët e konsiderojnë Groenland një “termometër natyror” të planetit, ndërsa zhvillimet në këtë ishull pritet të kenë ndikim afatgjatë jo vetëm për rajonin arktik, por për mbarë botën.