Ekipi i notit të Elbasanit mori pjesë në kampionatin dimëror të notit për fëmijë, ku arriti rezultate të mira dhe një paraqitje të qëndrueshme. Notarët e rinj treguan përgatitje dhe angazhim në garat ku morën pjesë, duke siguruar disa vende në podium.
Rezultatet e arritura janë fryt i punës së vazhdueshme në stërvitje dhe përkushtimit të sportistëve gjatë gjithë sezonit.
Fituesit e ekipit:
- Aishe Tana – 2 vende të para, 2 vende të dyta
- Joan Kaçollja – 3 vende të dyta dhe të treta
- Ajlin Talelli – 2 vende të dyta, 2 vende të treta
- Amina Tola – 1 vend i tretë
Një rol të rëndësishëm në këto rezultate ka trajneri Andi Kongoli, i cili vazhdon të punojë me fëmijët dhe të mbajë aktiv sportin e notit në qytetin e Elbasanit.
Kjo pjesëmarrje dhe këto rezultate tregojnë për vazhdimësinë e ekipit dhe punën që po bëhet për zhvillimin e notit në qytet.