Bashkia e Elbasanit dhe GIZ kanë nënshkruar Marrëveshjen e Mirëkuptimit për projektin “Transporti Urban i Qëndrueshëm në Shqipëri (SUTiII)”, një nismë që synon zhvillimin e një qyteti më modern, më të gjelbër dhe më miqësor për qytetarët.
Kontrata u firmos nga kryetari i Bashkisë së Elbasanit, Gledian Llatja dhe përfaqësues të GIZ, duke shënuar një tjetër hap përpara në drejtim të përmirësimit të infrastrukturës urbane dhe shërbimeve të transportit publik.
Ky projekt pritet të sjellë investime dhe modele të reja për lëvizshmërinë e qëndrueshme, duke ofruar një alternativë më të pastër e më efikase për qarkullimin në qytet.
Kjo marrëveshje përbën një garanci për transformimin e Elbasanit në një qytet që i përgjigjet sfidave të së ardhmes, ndërsa GIZ do të jetë e gatshme për të ofruar ekspertizë dhe mbështetje teknike gjatë gjithë zbatimit të projektit.
albaniaexpress.al
