Elbasani ka arritur marrëveshjen me mesfushorin Isi Manellari, ish-kapiten i Laçit, pas ndarjes nga kurbinasit. 27-vjeçari ka firmosur një kontratë 1+1 dhe pritet të nisë stërvitjen me skuadrën verdheblu nën drejtimin e trajnerit Ivan Gvozdenoviç.
Pavarësisht interesimit të Pogradecit, Manellari ka zgjedhur të qëndrojë në elitë, duke sjellë përvojën dhe kualitetin e tij në mesfushën e Elbasanit. Në sezonet e fundit, ai ka qenë një nga lojtarët më të spikatur të Laçit, duke lënë gjurmë me paraqitjet e tij të qëndrueshme dhe golat vendimtarë.
Ky transferim konsiderohet një përforcim kyç për verdheblutë, të cilët synojnë një sezon konkurrues në Superiore.