Futbollisti Edon Zhegrova hapi një etapë të re në karrierë, duke iu bashkuar skuadrës italiane të Juventusit. Mes urimeve që mori ishte edhe ai i kryeministrit shqiptar, Edi Rama, i cili në rrjetin social Facebook postoi një videomontazh me Zhegrovën dhe shqiponjën në sfond, duke shkruar: “Ec aty shqipe”.
Pak ditë më parë, Rama i kishte dorëzuar Zhegrovës pasaportën shqiptare, një moment që futbollisti e shpërndau vetë në rrjetet sociale, duke shkruar: “Krenar që jam shqiptar”, duke shprehur lidhjen e tij të fortë me Shqipërinë.
Ky hap në karrierën e Zhegrovës në Serie A dhe mbështetja e udhëheqësit shqiptar janë një dëshmi e krenarisë kombëtare dhe suksesit të sportistëve shqiptarë në arenën ndërkombëtare.
