Kampionati i Kategorisë së Dytë ka nisur me rezultate të ndryshme për tre ekipet e qarkut të Elbasanit.
Në Grupin A, Shkumbini i Peqinit debutoi me fitore, duke mposhtur Tomorin me rezultatin 3-2. Një nisje pozitive për peqinasit, që këtë sezon synojnë të jenë konkurrues në garën për kreun ose së paku të mos vënë në diskutim qëndrimin.
Në Grupin B, Sopoti i Librazhdit regjistroi një triumf bindës 3-0 ndaj Terbunit. Klubi librazhdas është ndër skuadrat që ka bërë shumë afrime gjatë merkatos dhe gëzon mbështetje të gjerë, çka e bën një prej pretendenteve kryesore për ngjitjen në Kategorinë e Parë.
Ndërkohë, Gramshi e nisi me humbje, pasi u mund 2-1 në transfertë nga Erzeni. Pavarësisht përpjekjeve, skuadra nuk arriti të marrë pikë në këtë javë të parë.
Kështu, qarku i Elbasanit regjistroi dy fitore dhe një humbje në nisjen e kampionatit, me vëmendjen që tashmë fokusohet te vazhdimësia dhe objektivat afatgjata të secilës skuadër.
albaniaexpress.al
