Dinamo pritet të luajë ndeshjet e ardhshme si pritëse në stadiumin “Selman Stërmasi”, duke u larguar përkohësisht nga Elbasan Arena, ku kishin zhvilluar më parë takimet e tyre. Lajmi është raportuar nga “Panorama Sport”, ndërsa marrëveshja për rikthimin në Tiranë është drejt finalizimit.
Rikthimi i bardhebluve në Tiranë përkon me sfidat e ardhshme: më 14 shtator përballë Elbasanit dhe më 17 shtator ndaj Teutës në transfertë. Kjo do të shënonte rikthimin e Dinamos në “Selman Stërmasi” në javën e pestë të Superiores. Tifozët kanë kërkuar prej kohësh që skuadra të luajë si pritëse në kryeqytet, ndërsa interesi për ekipin e Ilir Dajës mbetet i lartë.
