Gjatë vizitës së dytë shtetërore të presidentit amerikan në Mbretërinë e Bashkuar, Donald Trump dhe mbreti Charles u fotografuan duke qeshur, teksa shkëmbenin batuta me njëri-tjetrin. Një ekspert që lexon buzët ka zbuluar se për çfarë foli Donald Trump me familjen Mbretërore, që mbërriti sot në Kështjellën Windsor për vizitën e tij historike shtetërore.
Eksperti tregoi për “The Sun” se Trump e përshëndeti Princin William si “mikun” e tij, ndërkohë që pamjet tregojnë Charles-in dhe Trump-in duke shkëmbyer shaka, ndërsa inspektonin rojet. Mbreti më pas ngriti sytë nga shpata e një rojeje dhe i tha presidentit: “ruaju shpatës”, batuta që sërish vuri Trumpin dhe ata vetë në buzagaz.
Ndërkohë, presidenti Trump qëndronte i pari gjatë inspektimit të gardës, një lëvizje kjo që duket se shkel protokollin mbretëror, por që në të vërtetë është një traditë: udhëheqësit botërorë gjatë një ceremonie ecin përpara monarkut, thotë “The Sun”.
