Një situatë e vërtetë katastrofike u krijua mesditën e së dielës në vendin e quajtur “Kthesat e Dragostunjës”, ku shembja e një masivi gjigant gurësh dhe dherash paralizoi plotësisht qarkullimin në rrugën kombëtare Librazhd–Prrenjas, një nga akset më të rëndësishme lidhëse të juglindjes me pjesën tjetër të vendit.
Që prej orës 11:00 të së dielës, mijëra drejtues automjetesh mbetën të bllokuar në të dy krahët e rrugës, pa asnjë mundësi lëvizjeje. Rreshta kilometrikë mjetesh, njerëz të tensionuar, fëmijë, të moshuar dhe drejtues që nuk dinin çfarë i priste. Bllokimi zgjati plot shtatë orë, deri në orën 18:10, duke e kthyer këtë segment rrugor në një skenë ankthi dhe pasigurie.
Falë tyre, u bë i mundur qarkullimi drejt:
• Korçës, përmes itinerarit: Spathar – Qendër – Rafja e Spatharit – Rruga Egnatia – Dardhë – Hotolisht
• Tiranës, përmes: Spathar – Babje – Semës – Librazhd
Edhe këto segmente u mbushën me autokolona të gjata dhe qarkullim të ngadaltë për kilometra të tëra, por shpresa për të dalë nga izolimi ishte më e fortë se lodhja.
– e dhimbshme, për tmerrin dhe ankthin e bllokimit në “Kthesat e Dragostunjës”,
– por edhe e pazakontë dhe ndriçuese, për energjinë pozitive që shumë prej tyre morën duke udhëtuar mbi një pjesë të Rrugës Egnatia, rruga e famshme antike që përshkon Rafjen e Spatharit drejt Dardhës dhe Xhyrës.
Një udhëtim i detyruar, por që për disa u kthye në një rikthim simbolik në histori, në besim dhe në humanizëm.Një ditë që tregoi se, edhe kur rrugët shemben, njerëzia ende qëndron në këmbë.