Në maternitetin e Spitalit Rajonal të Elbasanit, Viti i Ri 2026 ka nisur me një lajm të gëzueshëm. Vetëm pak minuta pas ndërrimit të viteve, ka ardhur në jetë bebja e parë e këtij viti, një djalë, duke sjellë emocione dhe shpresë për familjen e tij dhe për stafin mjekësor.
Lindja e vogëlushit shënon simbolikisht fillimin e vitit të ri me jetë dhe gëzim, ndërsa mjekët dhe infermierët e maternitetit janë shprehur se nëna dhe foshnja gëzojnë shëndet të mirë. Ky moment i veçantë ka kthyer orët e para të vitit 2026 në një festë të dyfishtë, duke përcjellë një mesazh pozitiv për mbarë komunitetin.Ndërkohë gjatë orëve të fundit të vitit që sapo lamë pas erdhën në jetë gjashtë bebe në të gjithë Qarkun e Elbasanit ,shifër kjo që sipas burimeve zyrtare nuk ishte rregjistruar prej një çerek shekulli.