Tre lojtarë kyç të kombëtares angleze, Mark Guehi, Nik Pope dhe Antoni Gordon, do të mungojnë në dy ndeshjet e fundit kualifikuese për Kupën e Botës për shkak të dëmtimeve.
Detajet e dëmtimeve
-
Mark Guehi pësoi një dëmtim në këmbë gjatë fitores së Kristal Palas në mesjavë në Ligën e Konferencës, që e la të paaftë të ecte.
-
Antoni Gordon, anësori i Njukasëllit, humbi ndeshjen e së dielës ndaj Brentford për shkak të një problemi në ije.
-
Nik Pope, portieri i Anglisë, pësoi një tronditje gjatë humbjes 3-1 dhe u tërhoq nga kombëtarja menjëherë pas incidentit.
“Nik Pope pësoi tronditje dhe kjo është arsyeja pse e nxorëm jashtë fushe. Sapo u njoftuam, ai u tërhoq. Antoni ka një dëmtim të vogël, kështu që do të mungojë me Anglinë,” tha trajneri Edie Hau.
Programi i Anglisë
Edhe pse Anglia tashmë është kualifikuar për Kupën e Botës 2026, skuadra do të përballet me Serbinë në “Wembley” të enjten, përpara sfidës ndaj Shqipërisë në Tiranë të dielën. Lojtarët e kombëtares angleze do të grumbullohen sot për përgatitjet e fundit.
