AF Elbasani vazhdon formën fantastike në startin e sezonit, duke marrë një tjetër fitore të rëndësishme. Verdheblutë mposhtën Partizanin në transfertë me rezultatin minimal 0-1, falë golit të Bunjakut në minutën e 37’. Me këtë sukses, Elbasani ngjitet në krye të klasifikimit me 10 pikë pas katër javësh, duke u konfirmuar si ekipi më në formë i kampionatit.
Në ndeshjen tjetër të ditës, Egnatia nuk e pati të vështirë ndaj Tiranës. Kampionët në fuqi triumfuan 2-0 falë golave të Buric në minutën e 28’ dhe Albanese në të 48’, duke marrë kështu fitoren e dytë sezonale dhe duke shkuar në kuotën e 7 pikëve, vetëm tre më pak se kryesuesit e Elbasanit.
Pas dy ndeshjeve të para të javës së katërt, renditja e Superiores kryesohet nga Elbasani me 10 pikë, i ndjekur nga Egnatia me 7. Partizani mbetet në kuotën e 4 pikëve, ndërsa Tirana është surpriza më e hidhur deri tani, me vetëm 2 pikë pas katër ndeshjeve dhe në fundin e tabelës.
- REZULTATET:
PARTIZANI 0-1 AF ELBASANI
EGNATIA 2-0 TIRANA
