Skuadra e basketbollit të Elbasanit për meshkuj ka hapur sezonin e ri me një fitore të qartë ndaj Pogradecit, duke triumfuar me rezultatin 98-64. Ndeshja tregoi një paraqitje më të mirë dhe organizuar nga ana e verdhebluve, të cilët kontrolluan lojën që nga minuta e parë dhe nuk i lanë mundësi kundërshtarit për t’u afruar në rezultat.
Trajneri dhe stafi teknik vlerësuan përkushtimin e lojtarëve dhe theksuan se kjo fitore është një sinjal i rëndësishëm për mënyrën si do të ecë ekipi gjatë sezonit. Sipas tyre, objektivat e ekipit mbeten të qarta dhe ambicioze, duke synuar rezultate të qëndrueshme dhe një prezencë dinjitoze në çdo ndeshje.
Me këtë fillim pozitiv, Elbasani synon të vazhdojë të rrisë performancën dhe të konsolidojë ekipin për sfidat e ardhshme.
albaniaexpress.al
