Kantina e Verës në qytetin e Librazhdit ka mikpritur këtë fundjavë një grup vizitorësh nga Austria, duke kthyer edhe një herë vëmendjen tek potenciali i jashtëzakonshëm që Shqipëria ka për tërheqjen e turizmit rural dhe atij enogastronomik. Vizitorët austriakë patën mundësinë të shijojnë produktet e kantinës dhe të njihen nga afër me traditën shqiptare të kultivimit të rrushit dhe prodhimit të verës.Kantina e Verës Librazhd, e themeluar disa dekada më parë , është një nga kantinat më të vjetra por edhe më premtuese në Shqipëri. E ndodhur në një zonë me klimë të favorshme për kultivimin e rrushit, ajo kombinon traditën vendase me teknologji moderne për të prodhuar verëra cilësore, 100% shqiptare.Aktualisht, kantina ka një kapacitet prodhimi prej mbi 50,000 litrash verë në vit, dhe ofron një gamë të gjerë produktesh si:
• Verë e kuqe nga varietete si Merlot, Kallmet dhe Cabernet Sauvignon
• Verë e bardhë nga rrushi Chardonnay dhe Debinë
• Si dhe verë rosé e freskët, ideale për konsum gjatë muajve të verës.
Çdo produkt i kantinës prodhohet me përkushtim maksimal për cilësinë dhe përfaqësimin dinjitoz të tokës dhe klimës shqiptare. Kjo është arsyeja pse vera e Kantinës së Librazhdit ka fituar vlerësime pozitive në panaire kombëtare dhe rajonale, si dhe është certifikuar për cilësinë dhe standardet e saj të prodhimit.
Përveç prodhimit të verës, kantina është kthyer në një pikë të rëndësishme referimi për turizmin agro-enologjik, duke ofruar:
• Degustime profesionale
• Ture në vreshta dhe në ambientet e prodhimit
• Evente kulturore dhe aktivitete për vizitorët
Kjo vizitë nga Austria nuk është një rastësi, por pjesë e një trendi në rritje që po sjell turistë të huaj në zemër të Shqipërisë, për të zbuluar një realitet ndryshe ,ku natyra, mikpritja dhe produktet autentike vendase bashkohen në një përvojë të paharrueshme.
“Konsumo shqip, mbështet prodhimin vendas dhe përjeto shijen e tokës sonë” ,është motoja që ndjek Kantina e Verës Librazhd në çdo hap të saj.
