Vllaznia ka arritur një fitore të rëndësishme ndaj AF Elbasanit, duke triumfuar minimalisht me rezultatin 1-0 në “Loro Boriçi”. Një ndeshje e luftuar nga të dyja skuadrat, ku shkodranët arritën të ishin më kërkues dhe konkretë në momentet vendimtare.
Goli që vendosi fatin e sfidës erdhi në minutat e fundit të pjesës së parë, kur Jago shfrytëzoi një rast të krijuar nga presioni i Vllaznisë dhe e dërgoi topin në rrjetë, duke i dhënë avantazhin që zgjati deri në fund. Në pjesën e dytë, Elbasani tentoi të reagojë, por pa mundur të ndryshojë rezultatin.
Me këtë fitore, Vllaznia ngjitet në krye të renditjes me 13 pikë, duke parakaluar Elbasanin që mbetet i dyti me 11. Për verdheblutë, kjo është humbja e parë në kampionat, por ekipi i Ivan Gvozdenoviçit mbetet mes pretendentëve kryesorë dhe vijon rrugëtimin me ambicie të larta.
albaniaexpress.al
