Veronika Kudermetova ka zbuluar së fundmi se Holger Rune kishte provuar të flirtonte me të në rrjetet sociale. Tenistja ruse bën të ditur se 22-vjeçari danez i kishte shkruar në “Instagram”, duke u përpjekur që ta gjuante:
“Rune më dërgoi së fundmi një mesazh. I thashë, ‘Djalë, ndoshta jam shumë e vjetër për ty. Nëse do të shikoje ‘Instagram’-in tim, do të shihje se kam një burrë”, rrëfen tenistja 28-vjeçare, e cila më pas tregon edhe reagimin e menjëhershëm nga Rune: “Oh, më fal”, ndërsa bëri të ditur së pas kësaj situate, Rune nuk i kishte shkruar më.
Kudermetova është e martuar me Sergei Demekhine, i cili ka qenë trajneri i saj që kur ishte 15 vjeç, ndërsa ata u martuan në vitin 2017.
