Pas 40 vitesh, Teatri i Kukullave solli premierën e komedisë muzikore “Zemërimi i shkronjave” të Minerva Kumit, përshtatur nga regjisori Endri Çela.
Shfaqja u prit me sallë të mbushur nga fëmijë, prindër e gjyshër, duke sjellë emocione dhe kujtime nga brezat e mëparshëm. Me humor, muzikë e kukulla, ajo përcolli mesazhin për rëndësinë e përdorimit të drejtë të gjuhës shqipe.
Në qendër janë Olsi e Ini, dy djem që shpikin një shqipe “moderne”, derisa shkronjat rebelohen dhe ikin nga fjalori. Aktorët Florian Kokona, Ilia Kaçi, Esmeralda Kame, Ermonela Alikaj, Erdit Asllanaj, Jorida Meta dhe Madi Selimi mbajtën publikun të magjepsur, ndërsa fëmijët u bënë pjesë e shfaqjes me duartrokitje e vallëzim.
Projekti u realizua në bashkëpunim me EU4Culture, “Marionetat e Trashëgimisë” dhe “ANNEX Labs”.