Presidenti Begaj dekreton Qeverinë e Re, ja ministrat e kabinetit

Pas emërimit të Kryeministrit me dekretin e datës 12 shtator 2025, Presidenti i Republikës, SH.T.Z. Bajram Begaj, dekretoi sot përbërjen e Qeverisë së Re, duke i përcjellë dekretet Kuvendit për kompetencë. Procedura për emërimin e Qeverisë do të përmbyllet në ditët në vijim, pas miratimit të programit qeverisës nga Kuvendi, me ceremoninë e betimit të Kryeministrit dhe ministrave që do të zhvillohet në Institucionin e Presidentit të Republikës.

Presidenti Begaj dekretoi emërimin e Këshillit të Ministrave, duke përfshirë:

1. Emërimin e Këshillit të Ministrave;
2. Zonjën Belinda Balluku Zëvendëskryeministër dhe Ministër i Infrastrukturës dhe Energjisë;
3. Zonjën Albana KoçiuMinistër i Punëve të Brendshme;
4. Zonjën Elisa Spiropali Ministër për Evropën dhe Punët e Jashtme;
5. Zotin Petrit MalajMinistër i Financave;
6. Zotin Blendi Gonxhja Ministër i Turizmit, Kulturës dhe Sportit;
7. Zotin Sofjan Jaupaj Ministër i Mjedisit;
8. Zonjën Mirela Kumbaro Furxhi Ministër i Arsimit;
9. Zonjën Evis Sala Ministër i Shëndetësisë dhe Mirëqenies Sociale
10. Zonjën Delina Ibrahimaj Ministër i Ekonomisë dhe Inovacionit;
11. Zotin Besfort Lamallari Ministër i Drejtësisë;
12. Zotin Pirro Vengu Ministër i Mbrojtjes;
13. Zotin Andis Salla Ministër i Bujqësisë dhe Zhvillimit Rural;
14. Zotin Ervin Demo Ministër i Shtetit për Pushtetin Vendor;
15. Zonjën Majlinda Dhuka Ministër Shteti dhe Kryenegociator;
16. Zonjën Adea Pirdeni Ministër i Shtetit për Administratën Publike dhe  Antikorrupsionin;
17. Zotin Toni Gogu Ministër i Shtetit për Marrëdhëniet me Parlamentin.