Sheshi “Skënderbej” u ndez mbrëmjen e djeshme nga energjia e rock-ut, teksa grupi legjendar Scorpions rikthehej në Tiranë pas plot 24 vitesh.
Koncerti, i mbajtur më 24 shtator, ishte ndalesa e fundit e turit europian dhe përkoi me 60-vjetorin e krijimit të grupit që ka frymëzuar breza të tërë.
Në skenën gjigante të ngritur në shesh, Scorpions dhuruan një performancë të paharrueshme duke kënduar hitet më të njohura, ndërsa atmosfera e “Skënderbej”-t u shndërrua në një arenë të vërtetë rock-u.