miri i Katarit, Sheikh Tamim bin Hamad Al Thani, reagoi pas sulmit të kryer nga Izraeli në kryeqytetin Doha, duke u zotuar se do të marrë të gjitha masat për të mbrojtur sovranitetin e vendit të tij.
Në një telefonatë me Presidentin indonezian, Prabowo Subianto, sheiku theksoi se Katari do të ndjekë të gjitha masat për të ruajtur sigurinë dhe sovranitetin e tij, duke e cilësuar sulmin si “të hapur” nga Izraeli.
Sulmi ajror izraelit, i kryer të martën, kishte si objektiv udhëheqjen e Hamasit në kryeqytetin e Katarit. Si pasojë, pesë anëtarë të Hamasit dhe një pjesëtar i forcave të sigurisë së Katarit humbën jetën. Ngjarja ka tensionuar më tej situatën në rajon dhe ka nxitur reagime diplomatike nga shumë shtete.
