TIRANË, 26 shtator 2026 /Albania Express News/- Ambasadori i ri i Shteteve të Bashkuara të Amerikës në Shqipëri, Eric Wendt, ka mbërritur në Pallatin e Brigadave, ku pritet t’i dorëzojë letrat kredenciale Presidentit të Republikës, Bajram Begaj, duke nisur zyrtarisht misionin e tij diplomatik në Shqipëri.
Mbërritja në Pallatin e Brigadave shënon një nga hapat e parë institucionalë të ambasadorit të ri amerikan pas ardhjes së tij në vend.
Sipas raportimit të mediave , ambasadori i ri amerikan udhëtoi drejt Tiranës me fluturimin OS573 dhe u prit në aeroport nga drejtues të Protokollit të Shtetit dhe përfaqësues të Ambasadës së SHBA-së.
Pas një qëndrimi prej rreth 20 minutash në terminalin VIP të Aeroportit Ndërkombëtar të Rinasit, Wendt u shfaq për herë të parë në Shqipëri në cilësinë e ambasadorit të ri amerikan.
Dorëzimi i letrave kredenciale te Presidenti Begaj formalizon fillimin e detyrës së tij si përfaqësues diplomatik i Shteteve të Bashkuara në Shqipëri.
Mandati i ambasadorit të ri vjen në një periudhë të rëndësishme për marrëdhëniet shqiptaro-amerikane, me bashkëpunimin mes dy vendeve të përqendruar në çështjet e sigurisë, integrimit euroatlantik, sundimit të ligjit dhe zhvillimit ekonomik.