Kalaja e Kaninës në Vlorë po i nënshtrohet një procesi të kujdesshëm restaurimi dhe konservimi, me qëllim të ruajtjes, forcimit dhe përmirësimit të aksesit për vizitorët.
Ministri i Ekonomisë, Kulturës dhe Inovacionit, Blendi Gonxhja, ndau sot pamje nga punimet, duke theksuar se ky projekt, i financuar nga Banka Botërore, realizohet në bashkëpunim mes MEKI, FSHZH-së dhe Bashkisë Vlorë.
Ai shtoi se projekti është hartuar nga ProSkene dhe Trashëgimia Kulturore pa Kufij – CHwB Albania, duke kombinuar ekspertizën shkencore, arkitektonike dhe kulturore në shërbim të trashëgimisë sonë.
Punimet përfshijnë konsolidimin e strukturave, ndërhyrje restauruese dhe konservuese, si dhe elementë rijetësues që pasurojnë përvojën e vizitorëve.
Ministri Gonxhja nënvizoi se Kalaja e Kaninës së shpejti do të shndërrohet në një atraksion kulturor dhe turistik, duke shërbyer për identitetin historik dhe zhvillimin e qëndrueshëm të zonës.
