ELBASAN, 04 shtator 2026 / Albania Express News / – AF Elbasani ka zyrtarizuar afrimin e radhës në merkaton e verës, duke prezantuar mbrojtësin 25-vjeçar Filip Antovskin.
Futbollisti i bashkohet skuadrës verdheblu me synimin për të mbuluar boshllëkun e krijuar pas largimit të Emiljano Mustës. Antovski pritet të jetë një alternativë e rëndësishme për repartin defensiv dhe të sjellë konkurrencë në formacionin e skuadrës elbasanase.
Por lëvizjet e AF Elbasanit në këtë pozicion nuk përfundojnë me Antovskin. Klubi verdheblu pritet të prezantojë në vijim edhe Ifeanyi Joseph, i cili gjithashtu është afruar për të njëjtin rol.
Mungesa e Joseph në prezantimin e tij është e lidhur me procedurat e dokumentacionit, ndërsa klubi po pret përfundimin e formaliteteve për ta bërë zyrtare edhe këtë afrim.
Me këto lëvizje, AF Elbasani vijon të konsolidojë organikën në prag të startit të sezonit të ri, duke synuar të ketë alternativa të mjaftueshme në çdo repart dhe një skuadër sa më konkurruese për objektivat e kampionatit.