Aeroporti Ndërkombëtar i Vlorës (VIA) pritet të kthehet në një portë të rëndësishme për vizitorët që zgjedhin Shqipërinë për turizëm dhe pushime.
Kompania zvicerane Chair Airlines njoftoi hapjen zyrtare të fluturimeve nga Zyrih (ZRH) drejt Vlorës (VLO), me fluturimin e parë të programuar për 26 qershor 2026.
Në prill 2025, IATA i dha aeroportit të Vlorës kodin VLO, duke lejuar agjencitë e udhëtimit të shesin bileta në emër të kompanive ndërkombëtare. Ndërsa në maj 2025 u krye fluturimi i parë certifikues në këtë aeroport.
Aeroporti i Vlorës do të funksionojë me tre modele biznesi: aviacion civil, mirëmbajtje avionësh dhe një sektor të specializuar për kargo. Terminali do të shtrihet në 22 mijë metra katrorë, duke u shndërruar në një motor zhvillimi për turizmin në jug të Shqipërisë.