Alpet shqiptare mbeten një nga destinacionet më tërheqëse për turizmin malor, duke tërhequr pushues vendas dhe të huaj në çdo stinë. Kryeministri Edi Rama ka publikuar sot në rrjetet sociale pamje mahnitëse nga ky rajon, ku majat e thepisura të maleve duken si të kuroruara nga retë.
Relievi i pasur i Alpeve shqiptare shtrihet mes luginave të lumenjve me ujëra të kristalta si Shala, Valbona, Curraj, Cemi dhe Moraça, ndërsa liqenet akullnajore si ato të Pejës, Jezercës, Dobërdolit apo Sylbicës ofrojnë një qetësi përrallore. Bimësia e dendur dhe kontrastet natyrore i japin këtij territori një bukuri unike.
Male si Radohima, Maja e Hekurave, Maja e Arapit dhe Shkëlzeni krijojnë panorama të mrekullueshme që tundon shpirtin aventuror të çdo vizitori. Alpet shqiptare janë një thesar i vërtetë natyror dhe turistik që pret të zbulohet çdo ditë e më shumë.
