Kryetarja e Kuvendit, Elisa Spiropali, ka përkujtuar sot figurat e mëdha shqiptare, Nënë Terezën dhe poetin Migjeni, që ndahen në të njëjtën datë.
Në një postim në Facebook, Spiropali vuri në dukje se 26 gushti shënon ditëlindjen e shenjtores shqiptare (1910) dhe ditën e ndarjes nga jeta të shkrimtarit të madh (1938).
“Dy të përunjurit e mëdhenj, luftëtarët e paepur në mbrojtje të vegjëlisë, i lidh zinxhiri mahnitës lindje-vdekje si shkak-pasojë. Lutjet e Shën Terezës dhe kujat poetike të Migjenit ishin e njëjta klithmë shpirtrash të mëdhenj nga Shqipëria e vogël drejtuar padrejtësive të botës,” shkruan Spiropali.
Ajo thekson se çdo 26 gusht këto dy figura vijnë bashkë për të kujtuar se edhe në dhimbje ka shpresë dhe ngushëllim. “Shenjtorja Terezë dhe Poeti Migjen na ndezin krenarinë për të mëdhenjtë tanë që ia kemi dhënë botës,” përfundon ajo.
