Atmosfera e gjallë e pasdites së fundjavës që lamë pas në Elbasan u mbush me zërat e fëmijëve, teksa Kinemaja Verore në Parkun “Rinia” shfaqi një film të bukur vizatimor. Ky aktivitet ofroi mundësi që vogëlushët të kalojnë momente argëtuese nën qiellin e hapur dhe të përjetojnë magjinë e kinemasë.
Gjatë muajit gusht, fëmijët kanë qenë në qendër të vëmendjes në Elbasan. Një sërë aktivitetesh kulturore dhe argëtuese janë organizuar në qytet, duke përfshirë shfaqje teatrale, lojëra edukative dhe aktivitete në natyrë.
Nisma e Bashkisë Elbasan për të sjellë filma vizatimorë falas ka marrë vlerësime nga prindërit, të cilët theksojnë se këto evente i ndihmojnë fëmijët të socializohen dhe të shijojnë pushimet verore ndryshe.
Kinemaja Verore pritet të vijojë edhe në të ardhmen, duke u kthyer në një traditë të bukur që pasuron jetën kulturore të qytetit dhe sjell më shumë gëzim për më të vegjlit.
albaniaexpress.al