Kryetari i Bashkisë Elbasan, Gledian Llatja, së bashku me deputetin Adi Qose dhe kryetaren e Partisë Socialiste për Elbasanin, Ermira Urupi, zhvilluan një takim me strukturat dhe mbështetësit e Rajonit Nr. 1.
Takimi u karakterizua nga një bashkëbisedim i hapur dhe plot energji, ku u theksua rëndësia e angazhimit të përditshëm në çdo strukturë dhe në çdo zonë të qytetit. Përfaqësuesit socialistë nënvizuan se prania në terren dhe komunikimi i vazhdueshëm me qytetarët mbetet prioritet i punës së tyre.
Gjatë diskutimeve u vu theksi te organizimi i strukturave lokale, bashkëpunimi me komunitetin dhe forcimi i rolit të Partisë Socialiste pranë njerëzve, me moton se PS është çdo ditë në terren dhe pranë qytetarëve.